RUKUN ISLAM II

RUKUN ISLAM II

صل وسلم دائما علي احمد * والال والاصحاب من قد وحد

Eling-eling rukun Islam iku lima

Wus dadi mufakate para Ulama

Ingkang awal iku maca ing syahadat

Kaping pindho limang wektu kudu syahadat

Kaping teli iku ngetoake zakat

Pasa ramadhan rukun kang nomer papat

Kaping lima munggah haji lamun kuwat

Dalan gampang nduwe banda nduwe ragat

Read more »

RUKUN ISLAM I

 

RUKUN ISLAM I

اللهم صل علي محمد يارب صل عليه وسلم

Siro ing donya padha Islamo,

Rukune Islam yaiku ana lima

Syahadat Shalat Puasa Zakat,

Hajio siro lamun kuwasa

Ngajio siro marang pak Kiyai,

Kanggo sangune mbesuk yen mati

Hai sedulurku sakwuse krungu adzan

Aja sira ketungkul omong-omongan

Nuli wudlu sakwise banjur dandan

Mlebu Mesjid nindakake kewajiban

Shalat sunat aja nganti ketinggalan

Nunggu Imam sinambi puji-pujian

Read more »

OBAT HATI

OBAT HATI

( Tamba Ati )

اللهم صل عل سيدنا ومولانا محمد

عددما يعلم الله صلاة دائمة يدام ملك الله

Tamba ati iku lima warnane

Ingkang dhingin nderes Qur'an sakmanane

Kaping pindho wong kang sholeh kumpulana

Kaping telu shalat wengi lakonana

Kaping papat weteng iro ingkang luwe

Kaping lima dzikir wengi ingkang suwe

Salah sawijine sapa wong kang gelem nglakoni

Insya Allah Gusti Allah ngijabahi

Read more »

PUJIAN AMAR MA'RUF

PUJIAN AMAR MA'RUF

( Pujian Kanggo Ajak-Ajak Becik ) 

اللهم صل وسلم علي سيدنا محمد خير الوري

سيدنا محمد خير الانام محمد شفيعنا يوم الزحام

He sedulur sira padha mangertia

Urip kita bebarengan ana donya

Ora suwe nuli kita ora ana

Bali sowan maring Allah kang kuwasa

Mula kudu sing prayitna aja lena

Aja nganti kepincut gebyare donya

Aja tansah nguja hawa nafsu kita

Kang ngajak laku ala lan duraka

Mula ayo padha mempeng anggone ngaji

Gawe sangu mbesuk anggone padha bali

Sowan maring Allah ingkang Mahasuci

Kanthi Iman kelawan Islam kang sejati

Nuwun kita maring Allah kang sawiji

Lamun kita arep tumekane janji

Tansah eling maring Allah kanthi muji

Tan ana liya anging Allah kang sawiji

Menawa kita bisa tetep mati Islam

Insya Allah bisa njawab pitakonan

Kanthi tatag sebab duwe sangu Iman

Ora susah apa maneh gragapan

Mula ayo mumpung urip bebalapan

Ngudi Ilmu minangka tambahing Iman

Aja dhemen njagong omong lelahanan

Luwih-luwih nyatur  liyan nggo nyamikan

He sedulur kita wajib setya tuhu

Kabeh Ilmu wulangane bapak guru

Kita titi aja nganti klera-kleru

Lamun kleru ngibadahe ora payu

Mumpung urip kabeh wae sedulurku

Niti-niti ala becike lakuku

Sebab mbesuk ana ngarsane Gustiku

Bakal dipriksa ala becike ngamalku

Luwih-luwih shalat fardlu lelimane

Dzuhur Asar Maghrib Isyak lan Subuhe

Kudu ngerti kabeh syarat lan rukune

Iku dadi kuncine kabeh ngamale

Yen katrima shalat kita sakabehe

Mesti bakal katrima kabeh ngamale

Gusti Allah ngganjar marang kawulane

Insya Allah bisa mlebu suwargane

Ayo-ayo sedulurku kabeh wae

Bapak-bapak Ibu-ibu lan puterane

Mlebu Islam agama kang nylametake

Slamet donya tumekaning akherate

Ora ana Agama ing donya iki

Islam terang cetha Agama kang suci

Pranatane Allah ingkang Mahasuci

Kang kaampil Gusti kita kanjeng Nabi

Muga-muga manah kita tinarbuka

Dening Allah Dzat ingkang Mahakuwasa

Enggal bisa nindakake dhawuh Agama

Kanthi ikhlas ora sarana kepeksa

Uwis cukup sedulur semen wae

Pepilingku marang sira kabeh

Mbok menawa ana kleru lan lupute

Kersa paring ngapura saiki wae

Mugi-mugi Gusti ingkang Mahasuci

Lepat kita sedaya dipun ampuni

Mugi-mugi Gusti Allah ngijabahi

Amin-amin ya Allah robbal'alamin

Read more »

DERAJAT ORANG YANG MENEGAKKAN SHALAT

DERAJAT ORANG YANG MENEGAKKAN SHALAT

( Derajat Wong kang Njejekake Shalat)

اللهم صل وسلم علي

سيدنا ومولنا محمد

Kangge wong kang nindakake lan njaga shalate

Allah bakal mulyakake marang lima pangkate 2x

Siji diilangake rupek pangupa jiwane

Loro diilangake siksa ana kubure 2x

Telu diparingake buku catetan amale

Mungguh lih maringake nganggo asta tenegene 2x

Papat kaya kilat nguwot siratal muataqim

Lima munggah swarga tanpa ana hisabe 2x

Read more »

ISLAM KTP

يا رسول الله سلام عليلك

يا رفيع الشان رالدرج

Wong arep ngaji isin karo kancane

Malah ora isin marang Pangerane 2x

Terus ngajine ora diperloake

Sing diperloake ngandhaake tanggane 2x

Awak isih waras ra eling Pangerane

Mbasan arep mati nyebut-nyebut Gustine 2x

Akeh wong ngaku Islam Agamane

Nanging ora shalat ring limang waktune 2x

Read more »

HUSNUL KHATIMAH

HUSNUL KHATIMAH

صلاة الله سلام الله     علي طه رسول الله

صلاة الله سلام الله     علي يس حبيب الله

Ya Allah kita nyuwun, pinaringan istiqomah

Ya Allah kita nyuwun, mbenjing pejah husnul khotimah

Ya Allah kita nyuwun, pinaringan umur berkah

Kangge ibadah kanthi taat, lan nebihi laku maksiat

Ya Allah kita nyuwun, pinaringan rizqi kathah

Saged kangge amal jariyah, lan ziarah dhateng mekkah.

Read more »

HIDUP HANYALAH SEMENTARA

 

HIDUP HANYALAH SEMENTARA

( Urip Mung Sadhelo )

استغفر الله رب البرايا

استغف الله من الخطاايا

Ayo sedulur sing sregep ngaji, ngaji iku sangune mati

Wong mati iku banget larane, sebab nyawane ilang saking awake

Wong urip ning donya iku mung sesaat, mangka sing age-age anggonmu tobat

Tobat saking sakabehing maksiat, mumpung durung teka wektune wafat

Untung temen wong sing gelem shalat, lan ngakeh-ngakehi maca shalawat

Shalawat maring Nabi Muhammad, sebab ngajeng-ngajeng angsal syafa'at.

Read more »